(6) My First Day in Delhi- 4th June 1998

4 June 1998. Bade Bhaiya Kiratpur aaye hue the aur 4th June ko unhone gandhidham wapas jana tha. unki Delhi se din main flight thi. to ye decide hua ki 4th ko unhe drop karne ke liye car delhi jayegi to main bhi sath main chala jaunga.Subah 6.00 baje ham ghar se nikle. Kareeb 10.00 baje ke aaspas ham delhi pahunch gaye.Preet Vihar main mere ek uncle ka ghar tha jo khali tha.pahle wahan par unka export business ka office hua karta tha. business band ho gaya tha lekin 1 room main office abhi btha..wahan par ek care taker type ka ladka unhone rakha hua tha uska naam Ravi tha, ravi bhi bijnor ka hi rahne wala tha.ham jab pahle bhi delhi aate the aur agar stay karna hota tha to is flat par hi stay karte the.abhi bhi yahi decide hua tha ki main yahin par rahunga.Dariyaganj main meri bua ji rahti hain. dariya ganj preet vihar se bahut jyada door nahi hai.khair.. ye ek spacious flat tha .maine ek room choose kar ke usme apni almirah etc set kar li. din main bhaiya ko drop karne ke liye airport gaya and fir ghar wapas aa kar driver ko kiratpur wapas bhej diya is beech meri bua ji se baat hui to unhone mujhse kaha ki dinner ke liye main dariyaganj aa jaun.Fufa ji ne mujhse kahan ki abhi mujhe Buses ki jaankari nahi hai isliye main auto se aaon.Auto wala 20-30 Rs lega.lekin panchi pahli bar pankh faila kar aasman main uda tha..man main aasman ko janne aur samjhne ka josh tha to maine kaha ki ...nahi main bus se aunga..atleast mujhe buses ke routes pata hone chahiye. maine ravi se dariya ganj jaane waali bus ke baare main poocha to usne bataya ki aap bahar ja kar bus stop par wait karna and jo bhi Bus 'Golcha Cinema" ja rahi ho usme chadh jana.Wo seedhe dariyaganj hi jayegi. Main apne man main "Golcha - Golcha" yaad karte hue bus stop par pahunch gaya. jo pahli bus aayi wo ek chartered bus thi jo Nehru Place ja rahi thi via Moolchand Hospital.Nehru Place south Delhi main hai and Golcha/Dariya Ganj towards North Delhi hai.Bus ka conducter chilla raha tha "Moolchand-Moolchand"..main apni dhun main tha.. mujhe wo sunayi diya.."Golcha-Golcha". main us bus main chadh gaya. maine conducter se Golcha ka ticket manga to shayad usne "Moolchand" samajh kar mujhe ticket pakda diya.ITO tak bus seedhe aati hai then nehru place jane ke liye left leti hai and dariya ganj jane ke liye right.Bus to Nehru place ja rahi thi so usne ITO se left turn le liya. mera matha thanka.wajah ue thi ki Delhi to main pahle bhi aata raha tha aur thode bahut raste mujhe yaad the..itna bhi yaad tha ki Dariyaganj jaane ke liye ITO se right lete hain..isliye jab bus ne left liya to mujhe kuch digest nahi hua.. but fir maine apne man ko samjaya...."nahi beta ,,abhi tak tu car se aata tha...isliye right lete the. ye bus hai..and buses ke route diffrent hote hain..isliye ho sakta hai kahin se ghoom kar jaye"ye soch kar main aram se baitha raha.. bus chalti rahi..thodi door aage ja kar Sunder nagar aaya..main ek baar pahle Nehru Place ja chuka tha..tab ka rasta mujhe kuch kuch yaad tha..kahin se mind mein flesh hua ki ye rasta to nehru place jata hai.but fir bhi maine na jane kya soch kar apne man ko samjha liya.khair jab Moolchand Hospital aaya to conducter ne kaha" Bhai sahab Utro..moolchand aa gaya" .main kaha "bhaiya maine to golcha jana hai" aur mera itna kahna tha ki conducter aur uske sath sath aaspas ki saari public hasne lagi...Main moolchand par utra aur wahan se 70 Rs auto waale ko de kar main dariyaganj aaya.Bua ji ke ghar main ye kissa sun kar har koi has has kar lotpot ho gaya.khair wahan se wapas lautne ke liye Fufa Ji mere sath bus stop par gaye and mujhe sahi bus main baithaya.raat ko kareeb 10.00 baje main ghar wapas aaya. ab aage ki planning banani thi.kya karna hai..kaise karna hai...bahut kuch tha jo karna baaki tha aur bahut kuch tha jo hona baaki tha. Ye tha mera pahla din mere sapno ke shahar main.

(5) My College Days in Bijnor (1995-1998) - Part III

B.Comm IIIrd Year. It was an year of disturbance... Aptech ka Computer course poora ho chuka tha.Tau Ji ke health jyada theek nahi rahti thi isliye main ab shop par bhi time deta tha..college jana almost band ho gaya tha.. bas tution chal raha tha... wo bhi morning main tha....so poora din ghar par ya shop par hi rahta tha. in dino mere and nitin ke plan main ek change hua... ye to decided hi tha ka next year delhi ke liye move karna hai.... but apni CA waali planning thodi change honi start hui.. actually un dino jisko bhi dekho wahi MBA karne ke liye bhag raha tha. meri papa se baat hui to papa bole ke abhi is baar hi Exam main appear ho kar dekh lo .. pata chal jayega ki kya weaknesses hain. so maine and nitin ne CAT ki preparation ke liye kuch books purchase kar li and ghar par hi thoda bahut time usme dene lage. Hamare Aptech waale batch main Prakrati Bakshi naam ki ek batchmate thi wo pahle bhi CAT main appear ho chuki thi thodi bahut guidance usse mili. waise bhi ham bahut seriously to preparation kar nahi rahe the bas ek experience lena tha. Chacha in dino Surat main posted the. Nov main Tau Ji ka surat jaane ka program bana. Surat main un dino US se koi doctor aaye hue the and chacha ne Tau ji ke liye unse appointment lia tha. 4th Nov ko Tau ji and Tai Ji surat gaye. Wahan ja kar Tau ji ki tabiat aur kharab ho gayi and unko hospitalise karna pada. 4th Dec 06. Unke surat jaane ke poore 1 month baad unki wahin par death ho gayi. Hepatitis B had swallowed his life. Tau Ji's death was a big shock for all of us. He was the pillar of our family.Main aaj bhi us din ko bhool nahi pata... It was friday.. main bijnor se wapas aaya.. din ke kareeb 2-00 baje the. mummy ne mujhse kaha ki surat phone kar ke pooch le ki aaj tau ji ki tabiat kaisi hai... maine chacha ke mobile par phone kiya to phone kisi aur ne uthaya. fir chacha phone par aaye and mujhe bataya ki tau ji ki death ho gayi hai. 1 minute ke liye meri eyes ke aage andhera chha gaya. chacha ne mujhse kaha ki mummy se baat karao. main phone hold kara kar mummy ke pas bhaga.. lekin mere gale se awaaj hi nikal rahi thi......wo ho gaya tha jiske baare main sochte hue bhi darte the. khair...... jindagi kabhi kisi ke liye nahi rukti...lekin jindagi ke mod ehamare dilon par apni chhap chodd jaate hain.tau ji and unsi judi hui baten bhi aisi hi yaadon ki tarah hain jo hamseha ham sabke dilon main taaja rahengi. tau ji ke jaane ke baad papa ne shop par poora time devote karna start kar diya.is last one year main mujhe bhi shop se kaafi attachment ho chuka tha.ek ajeeb si insecurity ki feeling thi.isi mental state main maine decision liya ki ... now i wont go anywhere.. mujhe ab kuch nahi karna hai and main ab papa ke sath shop par baithunga.ek internal feeling ye bhi thi ki shayad papa sab kuch khud se handle nahi kar payenge and as I am the eldest son so i should support him.maine apna ye decision ghar main sabko bata diya. kisi ka koi khas reaction nahi tha except chacha.chacha mere is decision se bahut naraaz hue and mujhe samjhaya. unka kahna tha ki life kisi ke hone na hone se nahi rukti kaam bhi sab hote hi hain.. why do u think that tere delhi jaane ke baad in logo ko yahan par kuch problem padne waali hai. and agar padegi bhi to achha hi hai.. jab tak insaan par padti nahi hai tab tak wo seekhta bhi nahi hai.unki bateen meri samajh main aayi. Dec main CAT main appear hone ke liye main delhi aaya.paper dekh kar kaafi idea hua and ye bhi samajh aaya ki CAT ko crack karna hai to properly coaching etc leni padegi ..aise kaam nahi chalega. Ye bhi samajh main aa gaya ki english ke communication and vocabs skills par bahuuuuuut jyada mehnat karni padegi.abhi to halat ye thi ki na to bol sakte the na samajh sakte the. saamne koi english main baat karta ya kuch poochta to ulluon ki tarah baglen jhaakne lagte the and dreams dekhte the CAT ke.is baare main thodi research karni start ki...pata chala ki Delhi main British Counsil Division ke courses hote hain Language Skills Improvement ke liye.British Counnsil main thodi correspondence kar ke isse related details mangwa li. courses ache the. ab finally ye decide hua ki Delhi ja kar CAT ke liye coaching join karni hain and sath main british counsil ki classes join karni hain.March main B.Com Final Year ke Exam khatam ho gaye. Papers Overall achhe hue the Result May main Expected tha.In dino Sister (Tau Ji ki Daughter) ki marriage ki baat chalti rahti thi. Lucknow main ek jagah uski baat chal rahi thi..April main un logo ne delhi main milne and dekhne ka program rakha.Main Tai Ji, Dadi, Chacha and Sister ke sath Delhi aaya. dekhne and milne ke baad baat wahan par final ho gayi. Main bhi British Counsil ho kar aaya and classes ke baare main aur details li. May Main Final Year ka Result aa Gaya. Maine Bijnor Top Kiya tha. Aur fir finally aaya 4th June 1998 wo din jab maine khule aasman main apni baahen faila di aur apne sapno ki talash main kiratpur chodd kar delhi ke liye nikal pada.chidiya ke bachhe jab pahli baar ghonsla chodd kar apna daana paani talash karne ke liye khule asman main udte hain to jo feeling unke man main hoti hogi kuch aisi hi feeling mere main main bhi thi.

(4) My College Days in Bijnor (1995-1998) - Part II

B. Com IInd Year ...It was the mid of Year 1996.. Fir se Jain Sahab ka tution start hua... College jaane ka craze ab thoda kam ho gaya tha.. Tution ab morning main hota tha. mostly aisa hota tha ki tution kar ke ghar wapas aa jate the.. ya fir papa/ Tau ji ne Bijnor ka kuch kaam bataya to usko nipta liya. Apne Notes banane ka result to Ist year main hi dekh liye tha so is baar Jain Sahab ne hi apne ek old student ke notes arrange kara diye.. and unko hamne apne accordingly modify kar liya... so is baar notes ko le kar jyada maara mari nahi hui. mera ICI ka computer course poora ho gaya tha but I was not satisfied so main Aptech main fir se ek short term 6 months course join kar liya. Aptech main bhi bahut saare naye friends mile. Rehaan & Izhaar unme se the. in dono se meri bahut achhi frienship maintain hui. Is baar hamare tution batch main ek batchmate thi.. Suman Mishra. 1995 Winters main Bijnor main beuty contest hua tha.. and Suman usme Miss Bijnor bani thi. Suman.. Jain sahab ke ghar ke pas main hi rahti thi. Mujhe ab bhi yaad hai.. Tution start hone se pahle ek baar Jain Sahab Kiratpur aaye the Tau ji se milne ke liye.. Tab uhone mujhse kaha tha ki..Is date se batch start ho raha hai.. aa jana ... and us baar tumhara tution main bahut man lagega.... bcaz.. Miss bijnor will be your batchmate... :-D..... Anyways.... Chakkar kuch aisa chala ke.. Hamare Ashutosh Ji.... Suman ko dil de baithe.... hua kuch yun tha ki.. ek din suman kuch late ho gayi aane main .... to Jain sahab ne ashutosh se kaha .. ki Bhai jara mera scooter le jao and usko le aao .. shayad wo kuch late ho gayi hai. bas us din Ashutosh Ji Suman ko apne sath kya le kar aaye.... baad main to aksar hi unko sath sath dekha jaane laga. Khair .. I wont narrate their story... The ending was not Happy and I don waana touch their personal issues. In dino Tau ji ki health jyada theek nahi thi.. unko Hepatitis B diagnose ho chuka tha.. and unko kai baar Delhi checkup ke liye ya fir other procedures ke liye jana hota tha. Mostly main and Tai Ji saath main jaate the. IInd Year overall theek thak and cool raha. koi khas tension nahi thi. Nitin and Ashutosh ke sath ghoomna firna and time pass chalta rahta tha.

(3) My College Days in Bijnor (1995-1998)- Part I

B.Com 1st year... my best time in college... it was the time jab poore saal classes attend ki... library se books issue karayi.. apne notes banaye....computer classes join ki. bahut saare naye friends bane binor main. 12th tak Kiratpur main rahte rahte main bore ho chuka tha.. I knew I was not made for kiratpur... I was sick of kiratpur's atmosphere. wahi school .... wahi roads... wahi 2-4 acquaintances... I wanted to fly ...fly towards freedom... towards new horizons...I wanted freedom from my boundries.... my weeknesses. Kiratpur main rah kar aisa lagta tha ki.. kitna kuch hai jo dekhna hai .. samajhna hai.. there are so many things to explore.... ye freedom mili.. Bijnor ja kar... As I discussed in my last post.. Bijnor main sabse pahle meri friendship Nitin and ashutosh se hui. Ashutosh ne 1st year main Bijnor main ek chota sa room rent par liya tha bcaz uski sister bhi uske sath rahti thi.Nitin ne apni schooling Chandigarh se ki thi but ..due to some family resaons graduation ke liye usne bijnor main hi admission liya. Nitin se baaten karke pata chala ki.. he is also interested in pursuing CA and he has already enrolled for CA Foundation Exams. and agar Foundation clear hota hai to he will move to delhi and will do graduation from correspondence. ye jan kar mere ander to jaise aag lag gayi. Mujhe pata hi nahi tha ki CA Foundation naam ki bhi koi cheej hoti hai jisko clear karne par B.Com skip kiya ja sakta hai and I can directly take admission in CA. maine Nitin se bola ki ..Ok i will also attemp for Foundation Exams... but tab tak maine ghar par ye sab discuss nahi kiya tha... maine nitin se kuch books borrow ki and padhna start kar diya... kuch time ke baad nitin ne Foundation ki preparation ke liye ek tution lagaya and mujhse bola ki I should also join that tution. Now as far as tution was concerned.. main papa se pooche bina join nahi kar sakta tha... so one fine morning.. I discussed it with papa... and to my surprise.. papa ne mana kar diya..reasons were wierd.... like... at this time graduation is more important.. why do u want to screw up your graduation... correspondence ki koi value nahi hoti hai.....and the final decision was.....abhi graduation complete karo ..uske baad delhi ja kar properly admission lena........ Delhi fir se door ho gayi thi.... khair apne man ko mana liya... and fir se apne notes etc banane main lag gaya. but ab poora din bijnor main nikal jata tha.. pahle college.. fir tution.. fir computer classes. Jis Computer Institute main Classes join ki.. wo ek chota sa institute tha "ICI".. his owner was Neeraj Deswal .. a young chap.. the one man army.. Owner.. instructer....sab kuch... usse meri bahut achi friendsip hui and jab tak main bijnore jata raha.. college days main.... meri usse friendsip maintained bhi rahi. Ist year ke exams main bahut buri halat rahi. notes bahut josh se banaye the.. but us josh main ye bhool gaya ki .. exams time main itne detailed notes prepare bhi ho payenge ke nahi. and wahi hua.. exams main un notes ko prepare karna hi mushkil pad gaya. jab result aaya tab.. thodi disappointment hui. mere 62% marks the and jin students ne market se notes le kar study ki thi unke marks mujhse jyada the because those notes were exams oriented. Jain sahab bhi mere result se bahut disappoint hue and mujhse bola ki I Should start preparing for IInd year from this Summer Vacations itself. Maine in Vacations main hi unke pas IIn year ke liye tution join kar liya. tab tak Nitin ka bhi foundation ka result aa chuka tha and uska admission nahi hua tha. so fir se main nitin and ashutosh sath sath the.

(2) My Kiratpur Days (1978-1995) -Revised

An honest retrsopection needs an overall review on the path left behind.. on our successes.. on our failures...itne saalon main kya khoya ..kya paaya....jin cheejon ko peeche chodd aaye … unakii kyaa value thi . aur jo kuch jindagi se chaha wo mila ya nahi. .....So here starts the retrsopection........I was born and brought up in Kiratpur.. a small town of UP..160 KM far from Delhi. mere ghar par sabhi log business mai involve rahe hain.....mere papa ... mere tau ji .. ours is a joint family....and ghar par saare business bhi joint hi hain. mere papa 3 brothers hain. sabse bade tau ji the .. fir mere papa and then mere chacha.. mere chacha, ..mere papa and tau ji se kaafi chote hain..jab dada ji ki death hui thi tab chacha bahut chote the. dada ji ki death ke baad buiness papa and tau ji ne hi sambhala and chacha studies main hamesha achhe rahe. B.comm karne ke baad chacha 1984 main delhi aaye and CA kiya.. CA karne ke baad unka selection civil services ki Revenue services main hua and unko Income tax department mila.us samay ham sab bachhon ko ghar par yahi samjhaya jata tha ki ......beta .. tum bhi bade ho kar unki tarah khoob hardwork karna and aage nikalna. Tau Ji ka Ek son and ek daugter thi and ham teen brothers the. 1991 main chacha ki marriage hui and unke bhi ek son and ek daughter hai.chacha apni posting ke initial ten years main Gujrat main diffrent cities main posted rahe hain. anyways.. back to the point...... jab chacha delhi rahte the apni student life main tab main kareeb 8-10 saal ka tha tab mujhse jo bhi poochta ki beta tum bade ho kar kya karoge to mera yahi answer hota ki..main bhi chacha ki tarah delhi jaunga and CA karunga... haalanki us waqt shayad mujhe ye bhi nahi pata tha ki iska matlab kya hota hai. Bachpan main bahut saare school change kiye.. uske kai reasons rahe. Main bachpan main healthwise kuch weak tha.. to finally mera admission ek aise school main karaya gaya.. jo ghar ke bilkul paas tha. and this was the first disaster of my life. I always feel regeret for my poor schooling. us samay hamare town main sirf 1 english medium school tha.. jo hamare ghar se kaafi door hua karta tha.. main us school main sirf 6 months padha.. but almost daily meri tabiat school main kharab ho jati thi.. isliye mujhe wahan se nikaal kar ghar ke pas waale school main admission karaya gaya.papa ke is decision ke liye abhi bhi bahhut saalon tak main unse ladta raha hoon. Jab main 9th-10th main tha us time tak bade bhaiya(Tau Ji's Son) ko chacha ne apne paas gujraat main bula liya tha and Sister (Tau Ji's daughter) apni graduation karne ke liye dehradun chali gayi thi. usko dehradun bhejne ke main reason tha girls ke liye unsafe atmosphere. us time mera dehradoon aana jaan laga rahta tha.. kabhi uski vacations main usko le kar aana .. ya fir kabhi kuch aur kaam... anyways 10th tak aate aate main realise kar chuka tha ki.. aane wala time kaafi tough comptetion ka hai.. and because of my poor schooling main shayad is competetion main stand nahi kar paunga...moreover mera school totally hindi medium Govt School tha...jahan par theek se course cover hona to door.. classes lag jayen yahi bahut badi baaten hoti thi.. most of my class mates were villagers. School ki fees thi 1.55 Rs per month and hamare class main proper desks tak nahi thi. mera academic record starting se theek thak raha tha.. ghar main sabhi ko mujhse achhe results ki expectation rahti thi. main hamesha se maths main bahut week raha.. reason ye bhi tha ki jo bhi teachers mile .. wo sabhi aise the ki unhone kabhi fundamentals clear karane ki koshish hi nahi ki. 10th ke board exams main sirf 2 marks se meri 1 st divison rah gayi... it was a great disappointment for my father.unhone bahut dino tak to mujhse baat bhi nahi ki. UP board main Marks bahut jyada nahi aate hain.. isliye achi divison lana bahut badi baat hoti hai. ab tak main kaafi career conscious ho chuka tha and aksar apne friends se ya apne chacha se discuss karta rahta tha ki .. mujhe improvement ke liye kya karna chahiye. but bahut jyada help nahi mil pati thi. un dino mujhe ek bahut ache teacher mile Mr Sunil Bhatnagar. maine unse accounts ka tution lagaya. Bhatnagar ji ne mere sath really bahut mehnat ki. mujhe wo aksar apne saare bathces khatam hone ke baad late evening ka time diya karte the and 3-4 hours tak mujhe akele padhaya karte the. unke efforts ka result tha ki 12th main meri accounts main distinction aayi and maine commerce stream main top kiya. hamare yahan par nearest degree college Bijnor main hai jo mere town kiratpur se kareeb 15 KM hai, isliye college ke liye up-down karna koi bada issue nahi tha.maine B.comm main admission liya..it was year 1995. haalanki main chahta tha ki B.comm ke liye Delhi ke kisi college main admission loon. atleast evening classes main to admission mil hi sakta tha. but papa was not ready for that. aisa nahi tha ki isse pahle maine kabhi ghar se nikalne ki koshish nahi ki thi.. pahle schooling ke time main bhi maine kai baar papa se kaha ki mujhe apna school pasand nahi hai aap mera admission dehradoon ya meerut ke kisi ache school main kara do.. but papa was never agreed for that...unko hamesh lagta raha ki .. bachha hai.. bahar ja kar kaise rahega. anyways.... Bijnor main Vardhman Degree college hai jisme maine admission liya. wahan par ek professor the Mr A K Jain. Jo ab us college ke principle ban chuke hain. Prof A K Jain.. Jain sahab ke naam se famous hain. and hamare unse family terms rahe hain. jab mere chacha padhte the tab unhone chacha ko bhi kaafi support kiya tha. Jain Sahab hamesha se students main kaafi famous rahe hain.. wo chahe unka jolly nature ho ya fir students ke saath unki zindadili. Wo Students ke saath hamesha unke interest ki hi baaten karte hain and unke group ka hi ek hissa ban jaate hain. Jo bhi studenrs B.Com karte the unme se most of the students Jain Sahab se tution lete the .Jo bright students hote the ..Jain sahab unki career counselling personally kiya karte the. so maine bhi Jain sahab se tution laga liya. College ke baad day time main kareeb 2.00 pm ke aaspas Tution hua karta tha. Tution main 1st day meri jin 2 logo se frienship hui wo the Nitin Khanna and Ashutosh Sharma . Nitin Bijnor se hi tha and Ashutosh paas ke hi ek aur chote se town Chandpur se up-down karta tha.

(1) 17th January 2007....A Dream Fulfilled

17th January 2007. 10.00 am. mere phone ki ring se meri neend khuli. dekha to mere uncle ka phone tha. maine phone recieve kiya and he said that..jaldi se uth net on kar result aa gaya. maine unse bola ki theek hai main chek karke aapko wapas call karta hoon. main utha and pc on kiya.. net connect kiya.. CA institute ki result waali site open ki and apna roll number submit kiya.............and in the very next moment meri life change ho chuki thi...I had become a Chartered Accountant. mujhe vishwaas nahi ho raha tha... shayad main neend se utha hi nahi tha...lekin jo aansu meri eyes se bahne start hi chuke the unhone mujhe realise karaya ki it was not a dream. main paas ho gaya tha....I qualified my Chartered Accountancy exams..maine uncle ko phone kia and unse batate batate main poori tarah ro pada. unhone mujhse poocha ki abhi papa ko bataya ya nahi.. maine kaha nahi..then he said that.. ok tu mat bata.. main phone karta hoon bhaiya ko.... mera dimag ka fuse poori tarah se ud chuka tha...na jammen dikh rahi thi na aasman... pata nahi kya ho gaya tha us time....aur bas uske baad se continously phone calls aani start ho gayi.. i still remember.. 10.30 am se 3.30-4.00 pm tak main continously phone par hi baat karta raha.. ya to mere pas phones aa rahe the ya fir main apne frnds ko ya relatives ko phone kar ke bata raha tha....mere dono phones continously baj rahe the.call waitings recieve kar ke ke main pareshan ho gaya tha......fir finally main utha.. ready hua... and uncle ko phone kar ke bola ki main aapke office aa raha hoon. ghar se nikla to raaste se sweets ke 2-3 packets liye..uncle ko dene ke liye and fir apne office bhi to jana tha na. Uncle ke office pahuncha... bahut khush the wo... maine wahan ja kar unke pair chue.. and sweets khilayi... unki khushi to sach main unke face se dikh rahi thi.. kuch der main wahan baitha and fir apne office ke liye nikal pada.. office main bhi dhoom mach gayi thi... main apne boss..HOD..CFO sabhi ko sweets khilayi.. sabhi mujhe congratulate kar rahe the....office se main uncle ke ghar chala gaya...aunty and bachhon se ho milna tha.. raat ko kareeb 11.00 baje main apne flat par wapas aaya....wahi ghar tha..wahi main tha.. sab kuch wahi thi.. but jindagi ab wo nahi thi... bahut kuch badal bhi to gaya tha... I had achieved a dream..an impossible dream.. mera sabse bada sapna.. jiske liye sab kuch daanv par laga diya.. wo aaj poora ho gaya....main bed par eyes band kar le let gaya......I am a Qualified Chartered Accountant....Amit Jain....Chartered Accountant.. baar baar main in words ko apne man main dohra raha tha.. bahut intezaar kiya hai is din ka.......Now....It was the time of retrsopection...........8 saal ka safar.. main dohra lena chahta tha... agle 8 hours main........